Labing menos 17 ka tawo ang namatay, samtang kapin sa 20 ang naangol sa usa ka stampede atol sa usa ka kapistahan sa Sidlakang India.
Sumala sa West Bengal Chief Minister Suvendu Adhikari, nahitabo ang insidente atol sa pagsaulog sa Durga Puja, usa ka dakong kapistahan sa mga Hindu, sa Kolkata.
Nagsugod ang kagubot dihang kalit nga mibubo ang kusog nga ulan, hinungdan nga midagsa ang mga nanambong aron mangita og kapasilongan.
Tungod niini, nagdinut-anay ug nagtinukmuray ang mga tawo, nga miresulta sa daghang namatay ug naangol.
Dili kini ang unang higayon nga adunay susamang trahedya sa India, diin ang dagkong panagtapok sa mga tawo usahay mosangpot sa stampede tungod sa mga problema sa pagdumala sa panon ug sa kakulang sa hustong mga lakang sa kaluwasan.
