Nagpahigayon ang Nepal og nasudnong adlaw sa pagbangotan isip paghinumdom sa kapin 1,300 ka tawo nga namatay tungod sa grabeng pagbaha.
Gibutang sa half-mast ang bandila sa Nepal sa mga opisina sa gobyerno ug mga diplomatic mission sa gawas sa nasud.
Subay sa tradisyon sa Hindu, ang suod nga mga paryente sa mga biktima nagpabilin sa ilang mga panimalay aron paghatag og respeto ug paghinumdom sa mga namatay.
Walay dagkong programa nga gipahigayon samtang nagpadayon ang mga rescue personnel sa pagpangita sa mga lugar nga naapektuhan sa landslide.
Niadtong Agosto 26, nahitabo ang landslide sa dagkong bato ug glacier nga miigo sa suba sa utlanan sa Nepal ug Tibet.
Gawas sa kapin 1,300 nga namatay, kapin 5,500 ka tawo ang gikataho nga wala pa makita.
