Gikanayon ni Senador Alan Peter Cayetano, ang mga panagbangi o dili pagsinabtanay angay tan-awon isip usa ka oportunidad alang sa mas maayong relasyon, dayalogo, ug diplomasya.
Sumala sa senador, kung ang kagubot mosangpot sa mas dagkong mga problema, ang mga ordinaryong Pilipino sama sa mga mangingisda, mga sakop sa coast guard, mga miyembro sa Navy, ug mga Overseas Filipino Workers (OFWs) mao ang labing maapektuhan ug mag-abaga sa bug-at nga palas-anon.
Gipasiugda usab niya nga bisan pa og sayon alang sa mga opisyal nga nagpuyo sa komportableng kinabuhi sama sa mga senador, mga kalihim sa gabinete, ug mga embahador ang paghimo og maisugong baroganan, lahi ra ang sangputanan niini alang sa mga ordinaryong lungsoranon.
Taliwala sa nagkagrabe nga tensyon ug mga diskusyon mahitungod sa China nga nakaabot na karon sa Kongreso ang senador batok sa pagdapig sa bisan unsang nasod.
Dugang pa niya nga pinaagi sa pag-una sa kaayohan ug interes sa Pilipinas, dili masayop ang nasod sa paghimo niini og mga desisyon.
