Selena Gomez, gibutyag ngfa nadaot ang tingog sa paggamit og vape

Gibutyag sa singer nga si Selena Gomez ang rason kon nganong mihunong siya sa pag-vape.

Matod niya, ang kanunay niyang pag-vape nakapausab sa iyang tingog.

Sa iyang social media account, giangkon niya nga migamit siya og mga vape nga adunay taas nga lebel sa nikotina.

Busa, nipahimangno siya sa iyang mga fans nga dili mosunod sa iyang gibuhat.

Giangkon usab niya nga lisod ang paghunong, ug ang rason kon nganong naghisgot siya batok niini mao nga wala kini maayong resulta.

Mapasigarbuhon na niyang gipahibalo nga dili na siya mag-vape, ug ang iyang tingog anam-anam na nga mibalik sa naandan niining kalidad.