2 ka managlahing sunog ang mitumaw sa Dakbayan sa Sugbo kagahapong adlawa, Dominggo, Nobyembre 1, 2026.
Una nga mitumaw ang sunog sa usa residential area bahin sa 1 Wilson Place, Wilson St. Baranggay Apas, Dakbayan sa Sugbo pasado alas 4:08 sa hapon, nga daling girespondihan usab sa mga sakop sa kabomberohan 8-minutos human madawat ang report.
Nagsugod ang mismong sunog, sa balay nga gipanag-iya ni Clark Gothong, ug giisa kini sa 1st alarm pasado 4:15 sa hapon.
3 ka istruktura ang natala nga naugdaw, nga moabut sa gibana-banang danyos ngadto sa 48,640,000.
Samtang wala hinouy natala nga naangol o nakalas sa maong sunog.
Samtang sa pikas bahin, nakasinati na usab og pagkaugdaw sa mga panimalay ang bahin sa Sitio Lawis, Barangay Mambaling, Dakbayan sa Sugbo sa susamang adlaw pasado alas 6 sa gabie.
Miabot sa 3rd alarm ang mismong sunog pasado alas 6:42 sa gabie.
Nahimung hagit sa mga sakop sa kabomberohan ang kadaghan sa mga obstructions, ug kahagip-ot sa lugar sa pagrespondi niini.
Sapagkakaron, wala pa matino kung unsay hinungdan sa pag-ulbo sa kalayu sa 2 ka sunog nga mitumaw sa Dakbayan sa Sugbo.
Dali usab nga nagpahigayon og profiling ang mga sakop sa DSWS alang sa mga pasiunang tabang nga mahatag sa mga apektadong pamilya.
