Gihangyo ni Cebu City Councilor Pastor “Jun” Alcover Jr. ang pamunoan sa dakbayan ug ang Department of Engineering and Public Works (DEPW) nga mahatagan og daling aksyon ang guba ug peligroso nga dalan sa Sitio Agnawe nga midahilo sukad pa sa nahitabong bagyo.
Sumala ni Alcover, una nang nipasa og report ang kapitan sa barangay bahin sa maong kadaot ngadto sa engineering department, apan sa iyang pag-agi sa dapit, iyang nadiskobrehan nga wala diay maayo o maatiman sa City Hall ang maong karsada.
Busa, gipadayag sa konsehal nga peligroso ang maong dalan alang sa mga motrosiklo ug four-wheeled vehicles tungod kay naglutaw na lamang ang semento human nakankan ang yuta sa ilalom niini, diin ginama lang sa mga sako ang gibutang sa ubos nga bahin.
Dugang ni Alcover, ang barangay kapitan ug ang barangay workers ra ang nagtrabaho pinaagi sa pagpalapad sa bahin sa kabukiran aron lang makalabay ang mga sakyanan ug malikayan ang pag-agi sa naglutaw nga semento.
Ingon man nga kon magpadayon ang pag-uwan ug mahagba o maputol ang naglutaw nga semento, mawad-an na ug sirad-an ang bugtong agianan sa mga residente sa Sitio Agnawe.
Tungod niini, gisugyot ug gipahibalo pag-usab ni Alcover ang maong sitwasyon ngadto sa buhatan sa Mayor aron mapadala dayon ang gikinahanglang tul-id nga pag-ayo ug pag-atiman gikan sa dakbayan sa dili pa mosamot ang kadaot.
