Pagtaas sa produksyon sa livestock ug poultry, nakatabang pagpugong sa mas dakong pagkunhod sa agrikultura sa ikatulong quarter

Nakatabang ang pag-uswag sa produksyon sa livestock o poultry aron mabalanse ang pagkunhod sa ani sa humay ug mais sa nasud atol sa ikatulong quarter sa tuig, taliwala sa epekto sa dili maayong panahon ug pagsaka sa gasto sa produksyon.

Basi sa report sa Philippine Statistics Authority (PSA), mikunhod ngadto sa P389.42 billion ang kinatibuk-ang kantidad sa produksyon sa sektor sa agrikultura.

Ang sektor sa pananom maoy nakatala sa pinakadakong pagkunhod nga 9.3%, diin mikabat na lamang sa P197.71 billion ang kantidad sa produksyon.Apan nakatabang sa pagtabon sa maong pagkunhod ang poultry sector nga mitubo og 4.9 % ug mikabat sa P79.67 bilyon, samtang misaka usab og 1.1 % ang livestock sector ngadto sa P61.17 bilyon.