Sikop ang 3 ka mga indibidwal lakip ang usa 19-anyos, human sa buy-bust operation nga hiniusang gipahigayon sa mga operatiba sa Philippine Drug Enforcement Agency (PDEA) Cebu Provincial Office ug sa Talisay City Police Station niadtong Nobiyembre 7, 2026, pasado alas 10:10 sa gabii. sa Sitio Kilawan, Barangay Tangke, Talisay City, Cebu.
Giila sa PDEA-7 ang mga dinakpan nga sila si; alias “Hamner”, 31-anyos, usa ka mananagat ug residente sa Barangay Tangke, lakip usab nga nadakpan ang 65-anyos nga babaye nga si alias “Pacita” ug ang 19-anyos nga babaye, nga giilang si alias “Janelle” nga parehong residente sa Barangay Tangke.
Narekober atol sa operasyon, ang 7 ka pakete sa illegal nga drugas nga may gibug-aton nga anaa sa 11 ka gramo ug gibanabanang market value nga mokabat sa P74,800, uban ang usa ka piraso sa foil nga may mga salin sa illegal nga druga, usa ka improvised tooter, kwarta nga gigamit sa buy-bust, usa ka cellphone, ug nagkalain-laing mga gamit nga may kalabotan sa ilegal nga druga.
Gidala na usab ang mga ebidensya nga droga na ngadto sa laboratoryo sa PDEA 7 Regional Office.
Samtang, ang mga suspek anaa sa temporaryong kustodiya sa PDEA 7 sa Lahug, Siyudad sa Sugbo, samtang giandam ang mga kaso batok kanila tungod sa paglapas sa Article II sa RA 9165.
