Gikumpirmar ni US President Donald Trump nga wala nay dugang plano ang Estados Unidos nga atakehon ang Iran.
Matod sa Presidente sa US, ang mga negosasyon nga nagtumong sa pagtapos sa panagbangi sa Middle East nagpadayon sa positibong direksyon.
Dugang pa niya nga ang desisyon mahitungod sa posibleng pag-atake anaa karon sa kahimtang nga “status quo” o walay kausaban.
Gipahayag kini ni Trump human sa iyang pakigtagbo sa Punong Ministro sa Qatar.
Ang Qatar usa ka kaalyado sa US sa rehiyon sa Gulpo ug silingan sa Iran.
Diin ang Qatar adunay mahinungdanong papel isip tigpataliwala sa mga paningkamot aron tapuson ang maong panagbangi.
Hinuon, giklaro ni Trump nga ang US nagpabiling andam—o sa iyang mga pulong, “andam na sa hingpit” (locked and loaded)—kung mausab man ang sitwasyon.
Matod niya, dili pa ang hustong panahon alang sa US nga ideklarar ang pagtapos sa panagbangi uban sa Iran, tungod kay ang pipila ka mga nasod sa Middle East nagpabiling bulnerable sa agresyon gikan sa Iran.
Ang Punong Ministro sa Qatar nga si Sheikh Mohammed bin Abdul Rahman Al Thani bag-o lang mibisita sa White House, diin siya ug ang Presidente sa US nagpahigayon og mabungahon nga mga diskusyon mahitungod sa pagtapos sa panagbangi sa Middle East.
