-- ADVERTISEMENT --
Balhug na karon sa prisohan sa Sawang Calero Police Station si Jerome Abella ang suspek sa pagpusil-pat*y sa usa ka pharmacist nga si Marjorie Llaguno, 41 anyos, niadtong adlawng Martes sa udto sa bahin sa V.Rama Avenue, Barangay, Calamba, Cebu City.
Kini ang gitino sa mga sakop sa kapulisan, kinsa nitataw nga didto nila nadakpan sa Siyudad sa Toledo ang suspek atol sa hot pursuit operation inabagan sa uban nga mga police units ubos sa pagmando ni Police Col. Ricky Sumalde.
Nakuha atol sa pagkadakop ni Abella ang usa ka unit sa 38 revolver nga armas de fuego nga maoy gituohang gigamit sa kremin.
Kasong murder ang giandam na karon sa suspetsado.
