Naghisgot ang two-time Olympic gold medalist nga si Carlos Yulo bahin sa paggamit sa artificial intelligence (AI) sa pag-judge sa nagkalain-laing mga kompetisyon sa gymnastics.
Sa bag-o lang nahuman nga 2026 World Artistic Gymnastics Championships, wala siya nakakuha og medalya sa floor exercise ug sa vault hinungdan nga napakyas siya sa pagdepensa sa titulo nga iyang nadaog niadtong 2025.
Bisan pa sa maong resulta, gikatahong wala siyay pagmahay o pagbasol sa iyang gipakita nga performance.
Matod pa ni Yulo, gihatag niya ang iyang kinamaayohan, busa wala nay angay basolon sa iyang kaugalingon.
Dugang pa niya, kinahanglan ang mga pag-adjust sa iyang pagbansay, ilabi na karon nga nagkadaghan ang paggamit sa AI aron pagtabang sa mga judge sa paghatag og puntos sa mga dagkong kompetisyon.
Sa pagkakaron, nagtutok si Yulo niining mga gikinahanglang pag-adjust samtang padayon siyang naningkamot nga maka-qualify alang sa 2028 Los Angeles Olympics.
