Nagbangutan karon ang singer nga si Bruno Mars, sa pagpanaw sa iyang amahan nga si Peter Hernandez, kinsa namatay sa edad nga 74.
Gipaambit niya ang masulub-ong balita diha sa iyang social media account niadtong Huwebes, Nobyembre 19.
Apil sa post sa maong Grammy-winning singer ang usa ka litrato diin gigakos niya ang iyang amahan.
Dugang pa niya nga nakagakos pa siya sa iyang amahan niadtong miaging semana lang.
Nahinumdom ang singer kung unsa ka maayo ang pagpadako kanila—siya, ang iyang upat ka mga igsoong babaye, ug ang iyang igsoong lalaki.
Gihangyo usab niya ang iyang amahan nga ipaabot ang iyang pagtimbaya ngadto sa iyang inahan nga si Bernadette San Pedro Bayot.
Wala naghatag og dugang detalye ang mang-aawit mahitungod sa pagpanaw sa iyang amahan.











