MINGLANILLA,CEBU-Nalangkat sa Abante Minglanilla ang kampiyonato human sa kapin sa duha ka dekada nga paghulat human niini gipildi ang Talisay Aksyon Agad pinaagi sa 72-58 come-from-behind nga kadaugan sa winner-take-all match sa Rhea Gullas Cup 2024 First District of Cebu Inter-City/Municipality Basketball Tournament niadtong Sabado sa gabii, Marso 23, sa Minglanilla Sports Complex.
Nadaog sa Minglanilla ang best-of-three title series, 2-1, nga nahuman sa 22 ka tuig nga huwaw sa torneyo nga makigharong sa nag-unang mga atleta sa Unang Distrito sa Sugbo.
Diin liboan ka mga Minglanillahanons ang nagpunsisok sa venue apan ang Talisay cagers wala makapugong ug nakamugna sila og labaw sa 15 puntos sa unang bahin.
Ingon man nga daw sama gibalitok ang duwa sa Minglanilla human kini namawi sa second half, nga mihimo og 29-11 run aron makuha ang 53-50 nga labaw.
Matud sa post ni Minglanilla Mayor Rajiv Enad sa iyang social media account nga katapusang higayon nga nahuptan niini ang titulo niadtong 1970 ug 2002 apan, ning higayuna mihimo og ‘fierce comeback’ ang Abante Minglanilla Archangels sa Gullas Cup 2024 uban ang dili malalis nga 14 puntos nga labaw sa Talisay.
Gipakita usab ni JC Rex Sanguenza, nganong siya ang napili nga season ug Finals MVP human niini gipangulohan ang Minglanilla sa pagsakmit sa titulo nga adunay 20 puntos, 13 ka rebounds, ug tulo ka steals.
