Gikuwestiyon sa mga Duterte Die hard Supporters ang pagbabag og pag-sikop niini sa mga sakop sa kapulisan atoll sa pagpahigyon og motorkada sa mga Duterte Riders sa kadalanan sa dakbayan sa Sugbo niadtong Enero 29, 2026
Matud ni Jun Abines ang usa sa mga convenor sa Duterte Supporters nga nagmotorkada niadtong adlawng Huwebes, nga ang tumong og tuyo sa grupo mao ang pagpadayag sa ilang mga kalagot og kahiubos sa administrasyong Marcos
Apan sa wala damha, gibabagan sila sa mga sakop sa kapulisan sa dakbayan sa Sugbo og miresulta gayud sa pagkasikop sa pipila ka mga miyembro niini hilabi na si Abines nga mismong nisagop sa grupo.
Gihimug-atan ni Abines nga anaa na sa De facto Martial Law ang nasud gumikan sa nahitabo sa grupo nga gibabagan sa mga awtoridad sa ilang giingong katungod sa pagpadayag
sa kakurakot sa kagamhanan.
Giklaro usab niini nga wala silay gihimo nga violence protest, og igo lang sa pagpahigayon og peaceful protest og gitino nga usa ka hipokrito ang gobyerno gumikan kay walay balaod nga nakaltid nga nagdili sa mga protesters nga di makagamit sa mga pampublikong lugar hilabi na sa paglatas sa kadalanan.
