NEGROS ORIENTAL – Padayun karun nga nanguha ug impormasyon ang Guihulngan Negros Oriental PNP sa nahitabung pag-ambush kang Atty Hernandez Trinidad sa Sunrise Looc, Barangay Guihulngan, Negros Oriental.
Gipadayag ni Police Lieutenant Colonel Bonifacio Tecson, ang hepe sa Guihulngan PNP, nga padayun nila nga gisuta ang motibo sa krimen kung diin gikamatay sa nahisgutang abogado.
Matud ni Tecson nga basi sa inisyal nga impormasyon nga ilahang nakuha, giingung supporter sa rebelde nga grupo sa Negros Oriental ang biktima ug nahimu na usab nga abogado sa NPA.
Dugang pa nga niadtung nakalabay nga tuig nga midangup na ang biktima sa ilahang estasyonan arun nga i-report ang nadawat niini nga death threat gikan sa grupo nga KAGOBAK kinsang giingung supporter sa kasamtangan nga administrasyon.
Nakalatid sa maong death threat nga anaa sa listahan si Atty. Trinidad sa ilahang patyunon.
Apan giklaru sa hepe nga ipaubus pa nila sa berepikasyon ang mga nahisgutang impormasyon.
Samtang, gipahibalu usab sa hepe nga anaa na sa stable condition ang asawa sa biktima nga si Novie Marie Quirante Trinidad kinsang kauban sa abogado sa dihang nahitabu ang krimen.
