Gihangop ni Senador Risa Hontiveros ang pag-surendirsa mga awtoridad sa pugante nga si Apollo Quiboloy.
Matod ni Hontiveros, kinsa maoy nag-unang imbestigador sa Senado sa mga kaso sa paglapas sa tawhanong katungod ni Quiboloy, maihap nalang ang mga adlaw sa naghari-hari, pagsupak sa balaod, pag-abuso sa kababayen-an, kabatan-onan, ug sa mga isig ka Pilipino.
Gidugang sa opisyal nga dili mahimong maka-ikyas si Quiboloy sa balaod ug dili na malangan ang hustisya sa iyang mga nabiktima.
Gipasalamatan ni Hontiveros ang mga biktima-survivors nga maisugon nga mitug-an sa tinuod sa hearing diin matud pa niya makab-ot na nila karon ang hustisya.
Ingon man ang pagdayeg niini sa mga law enforcement agencies tungod sa ilang dedikasyon bisan pa sa mga taktika ni Quiboloy.
