CEBU CITY — Gideklara sa Malacañang ang Abril 27, 2021 isip Special Working Holiday alang sa paghandum sa ika-500 nga anibersaryo sa Kadaugan sa Mactan ni Datu Lapulapu.
Pinaagi kini sa Proclamation No. 1128 nga napermahan niadtung Abril 8 apan nigawas kini sa publiko niadtung Abril 17.
Gipermahan kini nilang Executive Secretary Salvador Medialdea ug Presidente Rodrigo Duterte.
Butang nga gideklara usab sa Malacañang ang tuig 2021 og ‘Year of Filipino Pre-Colonial Ancestors’.
Sa maong proclamation, gimarkahan sa maong adlaw ang lawom nga ug mabungahon nga kasaysayan sa Pilipinas.
Butang kini ang usa sa tumbanan alang sa kasayuran sa kaubang Pilipino ug sa tibuok kalibutan ang maayong nabuhat sa atung mga ninuno.
Gitahasan sa Malacañang ang National Quincentennial Committee (NQC) sa pagpatuman sa aktibidad kalabot sa ‘Year of Filipino Pre-Colonial Ancestors’. (Bombo Earl Padronia)
