Adlaw sa pagpili sa mosunod nga Santo Papa, gikatakda karong Mayo 7 – Vatican source

Magtapok ang mga cardinal sa Simbahang Katoliko sa usa ka sekretong conclave sugod sa Mayo 7 aron pilion ang sunod nga Santo Papa.

Mao kini ang gipaambit sa usa ka senior official sa Vatican.

Nasabutan sa closed-door meeting sa mga cardinals sa Vatican, nga maoy unang meeting sukad gilubong si Pope Francis niadtong Sabado ug lauman sa mga umaabot nga adlaw ang anunsyo kabahin niini.

Kinatibuk-ang 135 ka cardinal gikan sa tibuok kalibotan ug ang tanan ubos sa edad nga 80 kay adunay katungod sa pagbotar sa conclave sa pagtudlo sa bag-ong lider sa Simbahang Katoliko, nga adunay 1.4 ka bilyong miyembro sa tibuok kalibotan.

Kahinumduman nga ang kataposang duha ka conclave niadtong 2005 ug 2013 milungtad lamang og duha ka adlaw.