Nakapatay sa kapin 800 ka mga indibidwal ug labing menos 2,800 usab tungod sa magnitude 6 nga linog sa Afghanistan, matod pa sa mga opisyal, samtang ang mga rescuer nagpadayon pa sa pagsuhid sa mga hilit nga dapit.
Sumala pa sa tigpamaba sa health ministry sa Kabul nga si Sharafat Zaman, nanawagan sila sa internasyonal nga tabang aron masulbad ang mga kadaot nga gibilin sa maong gikusgon sa linog.
Dugang pa niini nga bug-at nila kini nga panginahanglanon tungod kay ubay-ubay nga mga indibidwal ang nawad-an og panimalay ug kinabuhi.
Gikompirmar usab ni tigpamaba sa maong administrasyon nga si Zabihullah Mujahid nga adunay 812 ka mga tao ang namatay sa silangang probinsya sa Kunar ug Nangarhar.
Samtang, sumala pa sa defence ministry sa Afghanistan nga aduna nay 30 ka mga doktor ug mga trak nga gakarga og mga tambal ngadto sa Kunar aron maabagan ang mga lokal nga tambalanan.
Ang Taliban usab sa pikas bahin nag-awhag samga humanitarian organizations nga mo-abag sa pag rescue sa mga dapit nga maabot ra tungod kay adunay pagdahili sa yuta ug pagbaha usab ang nitumaw bunga ug resulta sa maong linog.
