PUERTO PRINCESA, PALAWAN-Personal nga gitagbo kagahapon ni AFP Chief of Staff Gen. Romeo Brawner ang pag-abot sa 28 ka mga sundalo nga gipakatap sa BRP Sierra Madre sa Ayungin Shoal sa West Philippine Sea.
Gipaabot sila sa Chief of Staff sa Naval Detachment Oyster Bay Pier sa Puerto Princesa, Palawan.
Nakompleto sa maisog nga mga sundalo ang ilang deployment sa Ayungin Shoal dungan sa Rotation and Resupply (RoRe) mission niadtong Hulyo 27 ug karon nibalik na sa solid ground.
Gidayeg ni Heneral Brawner Jr ang mga sundalo, tungod sa ilang dedikasyon sa pagpanalipod sa soberanya ug interes sa kadagatan sa West Philippine Sea.
Gipasalamatan usab ni Brawner ang mga pamilya sa maong mga sundalo sa ilang suporta ug pasensya hangtod sa pagbalik sa ilang mga minahal sa kinabuhi.
Importante ang suporta sa pamilya tungod kay nagsilbi usab kini nga morale booster sa mga sundalo nga gipakatap sa layo.
Ang pagbalik sa mga sundalo gikan sa ilang misyon importante sa AFP sa paghatag og seguridad sa interes sa nasud.
Nagmalampuson ang pinakabag-o nga misyon sa RORE sa AFP diin wala mapahibalo ang Chinese Coast Guard.
