Mibisita sa Cebu ang Chief of Staff sa Armed forces of the Philippines Chief of Staff Gen. Antonio Nafarrete aron pangunayan ang change of command ceremony alang sa Armed Forces of the Philippines – Visayas Command.
Diin pormal nga miasumer ang bag-ong commander sa AFP Visayas command nga si Major General Moises L. Micor, Philippine Airforce diin iyang gihulipan ang Acting Commander sa Visayas command nga si Major General Peter Burgonio.
Ang maong seremonyas gitambungan sa dagkong opisyales sa AFP, Philippine Coast Guard Central Visayas, Office of Civil Defense 7, ug mitambong usab si PRO 7 Deputy Regional Director for Operations Arnel Apud ug Lapu-lapu City Police Director Agosto Daskeo.
Atol sa turnover ceremony, gidayeg ni Maj. Gen. Micor ang pagdumala ni Burgonio diin gisiguro niini ang padayon sa leadership sa Visayas Command atol sa iyang paglingkod isip acting commander. Isip bag-ong pangu sa Visayas Command, mipasalig si Micor nga magpadayon ang disiplina, propesyonalismo ug pagtuman sa mga misyon sa mga sakop armadong kusog dinhi sa visayas
Sa iyang mensahe, gidayeg ni AFP Chief of Staff Gen. Antonio Nafarrete ang pagdumala ni Burgonio sa Viscom hilabi na sa pagpadayon sa kampanya batok sa Communist Terrorist Groups hilabi na ang nakalabay nga operasyon nga miresulta sa pagkamatay sa 17 ka mga gituohang miyembro ug pagkasakmit sa 23 ka mga high powered firearms.
Mando ni Nafarrete ngadto sa bag-ong pangu sa Viscom nga ipadayon ang kampanya batok sa mga communist terrorist groups sa Visayas region, patigbabaw ang panaghiusa ug propesyonalismo sa mga sakop niini, ug isiguro kaandam sa mga sakop niini ug sa ilang mga kapasidad hilabi na sa bisan unsa mga motumaw nga sitwasyon diin gikinahanglan ang ilang kapasidad. via Bombo Rexmond Omega
