Gibutang sa Armed Forces of the Philippines (AFP) ang tanan nilang mga units sa National Capital Region (NCR) sa Red Alert Status.
Ang maong lakang mao ang pagsiguro nga mas taas ang ilang kaandam sa operasyon.
Tumong usab niini nga andam ang ilang mga personahe ug mga kabtangan sa pagsuporta sa mga civil authorities kung kini ilang hangyoon sumala sa gilatid sa konstitusyon.
Padayon usab sila nga nakigtambayayong sa Philippine National Police (PNP) ug pipila ka mga ahensya sa gobyerno aron mapalambo ang kaluwasan sa publiko ug walay hunong nga paghatag sa mga importanteng serbisyo.
Giseguro usab sa AFP nga magpabilin sila nga propesyonal, walay partisan ug nagpasiugda sa katungod sa pagmando sa balaod, ang pagpanalipod sa mga katungod sa katawhan ug ang kaluwasan sa nasud.
