Nagpahigayon og 2-day Maritime Cooperative Activity ang Armed of the Philippines (AFP) uban sa United States Navy isip kabahin sa ilang bilateral activities sa West Philippine Sea (WPS) niadtong Enero 17 hangtod 18 aron ipakita ang ilang lig-on nga relasyon.
Matud ni AFP Chief of Staff Gen. Romeo Brawner Jr. nga ang aktibidad kay nahimong ‘crucial element’ ilabi na sa kooperasyon sa depensa sa nasud sa US.
Dugang niini nga pinaagi sa MCA mas maandam na ang mga tropa sa militar sa nasud sa mga problema nga ilang maatubang ilabi na sa mga isyu sa WPS.
Mao usab ang resulta sa ilang pagtinabangay ug pasalig sa dugang pagpalig-on sa pagpanalipod sa nasudnong interes sa duha ka nasud.
Sa buwag nga pahayag, si Carrier Strike Group 1 (CSG-1) Commander Rear Adm. Michael Wosje miingon nga ang ilang suporta alang sa usa ka mas independente nga Indo-Pacific usa ka ‘collective commitment’ sa pagpalig-on sa ilang regional ug international cooperation.
Matud usab niya nga pinaagi niini, ang Pilipinas ug US makatukod og mas lig-on nga pundasyon ug relasyon ug padayon nga magkat-on gikan sa usag usa.
Samtang, ang bilateral nga aktibidad, nga usa usab ka dakong dungog alang sa US Navy, usa usab ka pagpangandam alang sa padayong pagliyok sa monster ship sa Chinese Coast Guard (CCG) Vessels sa Exclusive Economic Zone (EEZ) sa nasod.
