Giobserbahan karon sa mga katawhang katolika ang Semana Santa, diin karong adlawng Domingo, hingpit nang gisugdan ang pagsaulog sa Palm Sunday.
Dugang niini, karong adlawa, bendita lukay gi-isip nga pagsugod sa maong kahayag ug mo sunod dayun ang pagparada sa maong mga lukay sa palibot sa nagkalain-laing Parokya.
Subay niini, karong adlawa usab banha nga mamatikdan sa mga kadaghanan ang mga indibidwal nga namaligya sa ilahang kaugaligong hinimo nga lukay.
Gani, eksklusibong nahinabi sa Bombo Radyo Cebu newsteam si Degenio Ubas kinsa taga Pinamungajan, Cebu, diin iyang gipaambit nga mapasalamaton siya sa labawng makakagahom, sa Ginoo, sa pagtanyag kaniya og maayong kondisyon sa ilahang panglawas, hinungdan nga nakatinda sila sa ilang kaugalingong ni-la nga lukay sa San Jose Recoletos nga simbahan atbang sa Baracks.
Dugang asoy ni Ubas, sulod na sa 6 katuig siyang magahimoan og lukay diin sa maong gidugayon, mao ang unod sa ilang gidapit sa Ginoo nga hatagan siya og maayong kondisyon aron makapaninda siya nunot sa obserbasyon sa Semana Santa.
Gitataw usab ni Ubas nga niadto pa silang adlawng Huwebes naabot sa Sugbo, Marso 26, ug karong adlawa, Marso 29, mao ang katapusang adlaw nga magposting sila sa naasoyng dapit.
