Nunot sa phreatic eruption sa Bulkang Kanlaon sa Kasadpang Kabisay-an niadtong Lunes sa hapon, gipakusgan sa AFP Visayas Command (VISCOM) ang ilang pagpangandam alang sa humanitarian assistance ug disaster response aron mamenosan ang epekto sa maong geological disaster.
Mokabat sa 464 ka mga personahe, nga gilangkuban sa nagkalain-laing Humanitarian Assistance and Disaster Response (HADR) Teams sa Kasadpang Kabisay-an ang nakabutang sa standby alert para andam nga mupadayon sa order.
Kini nga mga team, nga naglakip sa mga Officers, Enlisted Personnel, ug CAFGU Active Auxiliary (CAA), nga nasangkapan sa mga kagamitan sa pagtubag sa kalamidad, paglihok, ug mga kabtangan sa komunikasyon.
Sa pamahayag ni Lt Col Israel Galorio sa Bombo Radyo Cebu-Newsteam nga ang ma personahe nga gi-deploy nagtukod ug suod nga koordinasyon sa lain-laing lokal nga Disaster Risk Reduction and Management Councils (DRRMCs) sa Kasadpang Kabisay-an aron masiguro ang paspas ug episyente nga tubag.
