CENTRAL VISAYAS-Giila ang ang tibuok pwersa sa Visayas Command (VISCOM), ang sanga sa Armed Forces of the Philippines (AFP) sa kabisay-an sa pagdawat niini sa Seal of Excellence ug sa pag-secure sab niini sa ikaduhang recertification status ubos sa Transformation Roadmap Institutionalization Pathway (AFPTRIP) diin ang prestihiyosong pagdungog kay nahitabo sa ika-89 nga anibersaryo sa AFP sa Camp General Emilio Aguinaldo sa Quezon City niadtong Disyembre 20, 2024.
Personal nga gidawat ni AFP VISCOM Commander Lieutenant General Fernando M Reyeg PA ang maong award nga nagsimbolo sa makanunayon nga pasalig sa maayong pagdumala ug kahinungdanon sa organisasyon sa pwersa.
Ang award gipresentar ni General Romeo S Brawner Jr., ang AFP Chief of Staff, human sa kinatibuk-ang rating sa VISCOM nga 96.43% sa bag-o lang natapos nga deliberasyon sa AFPTRIP.
Matod pa ni Lt Gen Reyeg nga iyang dakong pasalamat sa matag miyembro sa VISCOM sa ilang dili matarug nga pasalig ug pagtinabangay.
Ang VISCOM nagsugod sa pagkab-ot sa Initiated Status sa AFPTRIP niadtong 2014, gisundan sa Compliant Status sa 2016, Proficient Status sa 2017, ug Institutionalized Status sa 2019.
Ingon man nga niadtong Septembre 19, 2022, ang VISCOM gihatagan sa una niini nga recertification status naghatag og dugang pa pagpalig-on sa transformative leadership sulod sa armadong kusog.
