CEBU CITY-Nagtinabangay karon ang mga ahensya sa gobyerno para imbestigaran ang giingong fake rice sa Sta. Fe ng giingong maoy hinungdan sa pagsakit sa tiyan sa mga residente.
Kini human nga nakadawat og bigas ang mga residente sa dihang nanghatag ang Department of Social Welfare and Development (DSWD-7) og Modified Conditional Cash Transfer (MCCT) niadtong adlaw nga Lunes.
Matud ni Sta. Fe Mayor Jose Esgana nga nakadawat silaog reklamo kalabot niini apn walay formal complaint. Gitataw usa ni Esgana nga adunay nagreklamo sa iyang opisina apan kalabot kini sa kalidad sa bugad og dili sa fake rice.
Dugang pa niya nga wala usab reported cases nga diarrhea o pagsakit sa tiyan.Nunot niini gi-awhag sa Mayor ang mga residente nga muadto sa iyang buhatan aron nga magpasaka og pormal nga reklamo kung nabiktima gyud sila sa fake rice.
Samtang matud sa Public Information Officer sa National Food Authority (NFA-7) nga si Ulma Bayno nga wala silay nadawat nga formal complaint kalabot niini apan puro taho lang.
Matud ni Bayno nga aduna usab sama niini nga kaso kani-adtong milabay nga tuig diin aduna usab nagreklamo og fake rice.Tataw niya nga ila nang napatan-aw ang sample niadto sa Laboratory Technical Research and Development ug migawas nga dili kadto fake rice.
Subay niini gipasalig ni Bayno nga muha sila og sample sa bugas didto sa Sta. Fe para ilang ipa-ubos sa test.
Samtang gihimakak sa DSWD-7 nga nanghatag sila og bugas lakip sa Modified Conditional Cash Transfer (MCCT).Matud sa spokeperson sa DSWD nga si Lea Quintana nga cash lang nga 600 pesos ang ilang gihatag ug ang mga recipient na ang bahala pagpalit og ilang bugas.
Gitatataw usab nila nga wala silay nadawat nga reklamo kalabot niining giingong fake rice apan ilang gisiguro nga pa-imbertigaran kini.
Subay niini, gusto usab ni Cebu Vice Governor Agnes Magpale nga mukuha og sample sa bigas nga matud pa fake didto sa Sta. Fe para imbestigaran.Apan bisan paman gitataw sa Vice Governor nga dili siya kombinsido niini tungod kay mas mahal pa ang paghimo og peke nga bugas kaysa tinood nga bugas.
