Nisulod sa airspace sa Poland ang mga drone sa Russia kaniadtong Miyerkules sa buntag, Setyembre 10.
Sumala sa mga taho, gi-activate sa Poland ang mga defense systems niini taliwala sa mga pag-atake sa drone sa Russia.
Agi’g tubag niini, ang Poland ug ang kaalyado niini sa North Atlantic Treaty Organization (NATO) nagdeploy sa ilang mga ayroplanong militar, lakip na ang US F-35 fighter jets, nga sa pagkakaron nagpatrolya sa kahanginan sa Poland aron mamonitor ug mapugngan ang dugang nga pagsulod sa mga drone sa Russia.
Daghang mga drone sa Russia ang gikataho nga gipusil, samtang ang Warsaw International Airport sa Poland gisirhan.
Sumala sa Punong Ministro sa Poland nga si Donald Tusk, ang ilang mga operasyon nagpadayon kalabot sa daghang mga paglapas sa mga drone sa Russia sa airspace sa Poland.
Subay niini, hugot ra usab nga nakig-alayon ang PM sa defense officials kabahin sa kalamboan.
