Miinsistir si Rep. Gerville Luistro nga ang aktuwal nga aksyon ang labing importante kay sa label sa paghukom sa impeachment proceedings batok kang Bise Presidente Sara Duterte.
Sumala ni Luistro, ang konstitusyonalidad sa proseso dili angay ibase sa label sa proseso, apan sa mga lakang nga gihimo sa komiteba subay sa mga lagda sa impeachment.
Mitumaw ang isyu human nga iyang gitawag ang hearing nga usa ka “mini-trial,” nga gikuwestiyon sa kampo ni Duterte ug miinsistir nga ang Senado lamang ang adunay gahum sa pagpahigayon og hearing.
Dugang nga gipasiugda sa magbabalaod nga ang nahitabo sa House Committee on Justice usa ka “hearing proper” o clarificatory hearing nga susama sa usa ka preliminary investigation.
Kung mapamatud-an nga adunay probable cause, ang kaso mahimong dad-on sa plenaryo sa House aron botaran og desisyonan. Kung maaprobahan, ang mga articles of impeachment ipadala sa Senado alang sa formal hearing.
