Makig-partner ang Filipino tennis star nga si Alex Eala sa tennis legend nga si Venus Williams sa doubles draw sa Bad Homburg Open, sumala sa report sa Tennis Channel.
Gawas sa doubles, gihatagan usab si Eala ug Williams uban sa German player nga si Eva Lys og main draw wildcard alang sa singles competition niining WTA 500 tournament nga ipahigayon sa Bad Homburg, Germany.
Para kang Eala, kinsa 21 anyos na karon, usa ka talagsaon nga oportunidad nga makauban sa team si Williams, ang pito ka higayon nga Grand Slam singles champion ug giisip nga usa sa labing dominanteng magduduwa sa kasaysayan sa tennis.
Dili kini ang unang higayon nga makasangka o makakonektar si Eala sa pamilyang Williams sa korte, diin gilauman nga ang iyang batan-ong kusog ug ang taas nga kasinatiay ni Venus magdala og nindot nga dula alang sa ilang tandem.
Samtang, sugdan ni Eala ang iyang grass-court season sa WTA 125 Birmingham Open karong Lunes.
Gikatakda usab siyang moapil sa doubles event sa maong torneyo uban sa Czech player nga si Nikola Bartunkova.
