Head-turner ang gihatag ni Filipina tennis sensation Alex Eala, tungod sa iyahang pagsul-ob og usa ka Filipiniana nga sinina.
Sa 2026 Laureus World Sports Awards sa Madrid, Spain, migawas si Alex nga nagsul-ob og soft cream Filipiniana gown nga adunay detachable bolero nga gidayandayanan og iconic butterfly sleeves.
Dili lang ang gown ang nakapahingangha sa internasyonal nga mga tumatan-aw, apan ang kompletong pakete sa mga dayandayan ni Alex, gikan sa iyang soft wavy curls, matching necklace, earrings, ring nga adunay orange gems, ug usa ka tennis bracelet nga naghatag og classy nga finishing touch.
Gawas sa red-carpet moment, si Alex busy sa iyang sports calendar, diin makigkompetensya siya sa Madrid Open (Abril 21–Mayo 3), gisundan sa Rome Open (Mayo 5–17), ug nalista usab sa WTA 125 Parma Ladies Open sa Italy (Mayo 11–16).
Ang Laureus Awards, nga gihimo matag tuig sukad niadtong 2000, giisip nga “Oscars of Sports,” diin ang mga nominado gipili sa global media ug ang mga mananaog gibotaran sa Laureus World Sports Academy.
