Gipildi ni Filipina tennis star Alex Eala ang American qualifier nga si Mary Stoiana sa ilang unang-round match sa Louis Armstrong Stadium sa Flushing Meadows, New York, niadtong Martes sa gabii, o Miyerkules sa buntag sa Pilipinas.
Ang 21-anyos nga Eala, nga No. 18 sa kalibutan ug No. 17 seed sa torneyo, mipakita og dominanteng performance batok sa 23-anyos nga Amerikana aron makasulod sa sunod nga hugna.
Sa ikaduhang hugna, atubangon ni Eala ang Ukrainian player nga si Oleksandra Oliynykova, nga mipildi usab sa American wild card nga si Reese Brantmeier, 6-4, 6-4.
Mahimong higayon kini ni Eala nga makabawi kang Oliynykova, human siya pildihon sa Ukrainian sa unang hugna sa Internationaux de Strasbourg niadtong Mayo.
Padayon usab ang pag-uswag sa ranggo ug performance ni Eala karong 2026. Nahimo siyang unang Filipina nga nakadaog og WTA Tour singles title human niya maangkon ang DC Open sa Washington.
Ang iyang pag-abante sa US Open nagpadayon sa iyang impresibong kampanya sa international tennis ug naghatag og bag-ong higayon alang sa Pilipinas nga makakita og mas lawom nga run sa Grand Slam event.
