Temporaryo usa nga gibuhian sa Filipina tennis star nga si Alex Eala ang iyang raketa aron sa pagsaulog sa iyang ika-21 nga adlawng natawhan sa Paris sa wala pa ang iyang pag-apil sa 2026 French Open.
Sa usa ka mubo nga video nga iyang gipaambit duol sa Eiffel Tower niadtong Sabado, ug sa iyang caption nga “I’m 21” nga nakadawat dayon og pahalipay gikan sa iyang mga fans.
Si Eala, nailhan nga unang Pilipina nga nakadaog og Grand Slam junior doubles title, kinsang padayon nga misaka sa internasyonal nga tennis scene.
Nagsugod siya sa pagbansay sa Rafael Nadal Academy sa Spain isip usa ka tin-edyer ug sukad niadto nailhan nga usa sa pinakabata nga prodigies sa tennis sa Pilipinas.
Gilauman nga magsugod si Eala sa iyang kampanya sa French Open sa pagbukas sa torneyo sa Mayo 25.
Ang iyang pag-apil gipaabot dili lamang sa mga Pilipino apan lakip na usab sa mga internasyonal nga fans sa tennis nga nagsunod sa iyang paspas nga pagsaka sa ranggo.
Sa iyang ika-21 nga adlawng natawhan, mas milig-on pa ang simbolismo sa iyang karera, gikan sa pagka-bituon sa Pilipinas sa junior circuit ngadto sa pagka-hingpit nga propesyonal nga andam makigkompetensya sa labing kusgan nga mga magduduwa sa kalibutan.
