Nisalmot na ang Pilipina nga tennis star nga si Alex Eala sa main draw sa WTA 500 Mubadala Abu Dhabi Open.
Ang 20-anyos nga Pilipina kaniadto kabahin sa wildcard apan karon dili na siya kinahanglan nga moagi sa qualifying rounds ug mopadayon na hinuon sa draw sa nahisgutang torneyo, nga gilauman nga tambongan sa ubang dagkong mga magduduwa sa tennis gikan sa tibuok kalibutan./
Usa ka star-studded lineup ang gilauman sa Abu Dhabi Open nga gipangulohan sa defending champion ug Olympic gold medalist nga si Belinda Bencic.
Lakip sa mga gikatakda nga moduwa mao ang 2022 Wimbledon champion nga si Elena Rybakina, ug ang kanhi World No. 2 nga si Paula Badosa.
Sa pagkakaron, walay naka-eskedyul nga kontra si Eala kay kini ipahibalo sa opisyal nga seremonya sa draw.
Ang nahisgutang torneyo gikatakda gikan Enero 31 hangtod Pebrero 7 ning tuiga.
Sa dili pa ang nahisgutang duwa, gilauman nga makigtigi si Eala sa Philippine Open nga gikatakda nga magsugod sa Lunes, Enero 26.
