-- ADVERTISEMENT --

Nanawagan ang lokal nga buhatan sa human rights organization nga Amnesty International alang sa dinaliang pagbuhi sa 300 ka mga nagprotesta nga gidakop atol sa usa ka demonstrasyon nga gipahigayon dungan sa pag-abli sa ika-49 nga ASEAN Summit.

Sa usa ka pahayag, gikondenar sa organisasyon ang gitawag niini nga paggamit og pwersa sa kapulisan batok sa mga nagprotesta, ingon man batok sa mga peryodista nga nag-cover sa maong kalihokan.

“From unlawfully restricting protesters to certain spaces to attacks on journalists, today the PNP once again showed that nothing has changed about its attitude towards its obligation to serve and protect civilians. It continues to only serve the interest of the state and the powerful few,” matod ni Ritz Lee Santos III, ang Direktor sa Amnesty International Philippine Section.

Gikanayon ni Amnesty Philippines Section Director Ritz Lee Santos III, ang paggamit sa kapulisan og pwersa nagpakita sa usa ka kultura sa ‘impunity’ o pag-ikyas gikan sa tulubagon—ang mismong rason nganong ang mga nagprotesta nangadto sa kadalanan aron ipadayag ang ilang mga gipangayo.

“This unnecessary and sometimes excessive use of force by the police against protesters represents the very systemic culture of impunity that protesters are out in the streets for,” pahayag ni Santos.

-- ADVERTISEMENT --

Tungod niini, ang lokal nga buhatan sa Amnesty nanawagan alang sa dinaliang pagbuhi, nga walay bisan unsang kondisyon, sa 300 ka mga nagprotesta nga gidakop sa kapulisan.

“Amnesty Philippines is calling for the immediate and unconditional release of reportedly 300 protesters detained solely for exercising their right to freedom of expression and peaceful assembly, including the nine individuals arrested at Liwasang Bonifacio who were part of the march towards PICC where the opening of the ASEAN Summit is being held.”

Sa laing bahin, ang National Capital Region Police Office (NCRPO) midepensa sa ilang mga aksyon. Sa usa ka pahayag mahitungod sa mga pagdakop, gipunting nga ang mga indibidwal wala mobiya sa lugar ug nagpahigayon og mga demonstrasyon nga walay gikinahanglan nga mga permiso.

Dugang pa, gipasiugda sa NCRPO nga ang ilang nag-unang katungdanan ug prayoridad mao ang pagsiguro sa kaluwasan ug seguridad sa mga delegado nga mibisita.

Gidugang usab niini nga bisan pa man og ang mga indibidwal adunay katungod sa pagpahigayon og mga protesta, wala kini nagpasabot nga mahimo nilang lapason ang balaod o supakon ang mga awtoridad.