Nisaka na ngadto sa 13 ka kaso sa Andes hantavirus ang natala diin tulo na ang namatay (case fatality ratio nga 23%), uban sa kinatibuk-ang 11 ka kaso nga kumpirmado sa laboratoryo ug duha nga giisip nga probable cases.
Kini na ang ika-upat nga taho bahin sa outbreak nga may kalambigitan sa bcruise ship travel, human gipahibalo ang World Health Organization (WHO) niadtong Mayo 2 bahin sa mga kaso sa grabeng respiratory illness sa barkong M/V Hondius.
Sukad sa katapusang taho niadtong Mayo 13, tulo ka bag-ong kumpirmadong kaso ang natala gikan sa Canada, Netherlands, ug Spain.
Ang kanhi inconclusive case gikan sa Estados Unidos napamatud-ang negatibo ug gitangtang na sa listahan, diin ang tanang kaso nagagikan ra sa mga pasahero o crew sa maong barko.
Tungod sa taas nga incubation period nga moabot ngadto sa unom ka semana, gilauman nga duna pay mga bag-ong kaso nga mogawas hangtod mahuman ang maong yugto sa panahon.
Pinaagi sa International Health Regulations (2005), nakig-alayon na ang National IHR Focal Points aron suportahan ang international contact tracing ug monitoring efforts.
Matod sa WHO, ubos ang kapeligrohan sa outbreak ngadto sa tibuok populasyon sa kalibutan, apan padayon nilang bantayan ang epidemiological situation ug maghatag og update kon gikinahanglan.
