CEBU CITY-Dili tugutan sa Archbishop sa Cebu nga si Archbishop Jose Palma ang mga pari nga muuban sa pagpahigayon og oplan tokhang sa mga kapulisan sa Sugbo.Kini human nga gi-awhag sa PNP ang mga religous group nga makigkooperar kanila tungod kay gikinahanglan nga adunay presenya sa mga pari atol sa pagpahigayon og oplan tokhang.
Matud ni Archbishop Palma nga ang paguban sa oplan tokhang sa mga pari sa mga pulis giingong dili kini apil sa ilang calling. Dugang pa niya nga misuporta man sila sa campaign against illegal drugs gani aduna man silay programa sama sa SUGOD o Surrender to God nga usa ka drug rehabilitation program. Hayan para niya dili na kinahanglan pa nga muuban ang mga pari sa maong operasyon.
Samtang gikasagmuyo ni Cebu Archbishop Jose Palma og supak siya sa pagpasar sa death penalty sa nasud tungod kay para niya ang Diyos lang ang naghatag sa kinabuhi sa tao ug siya lang ang adunay katungod nga mukuha niini.
Dugang pa niya nga dili lang ang mga kriminal ang masilotan niini apan hasta na usab ang ilang pamilya tungod kay giingong makasinati man kini og kauwaw og dili malikayan ang paghukom sa laing tao.
Subay niini, gi-awhag ni Plama ang mga kongresista nga mi-uyon sa pagpasa sa death penalty nga huna-hunaon usa kini pagmaayo tungod kay sila man ang nagdala sa tingong sa mga katawhan og ang kinabuhi matud sa Archbishop sagrado.
