Gisugdan sa defending champion nga Argentina ang ilang kampanya sa pagdepensa sa titulo human nila gipukan ang nasod sa Algeria sa score nga 3-0 sa nagpadayong group match sa Group J sa FIFA World Cup 2026 karong adlawa.
Dili mapugngan ang 38-anyos nga legendary football star ug team captain nga si Lionel Messi human niya gi-shoot ang tanang tulo ka mahinungdanong puntos alang sa iyang team pinaagi sa usa ka makabungog nga hat-trick.
Una kini nga nakakuha sa iyang goal sa ika-17 nga minuto, gisundan sa ika-60 nga minuto, ug hingpit nga gipalubong ang Algeria sa ika-76 nga minuto sa dula.
Tungod niini, mitala na si Messi og kinatibuk-ang 16 ka goals sa iyang partisipasyon sa World Cup, diin iyang aduna na silay sama nga ang rekord ni Miroslav Klose sa Germany isip all-time leading scorer sa kasaysayan sa men’s World Cup.
Nakahimo og dakong kasaysayan ang maong dula tungod kay natonong kini sa Hunyo 16 didto sa Kansas City—eksakto 20 ka tuig human sa iyang debut sa World Cup niadtong Hunyo 16, 2006 diin naka-goal usab siya batok sa Serbia.
Sunod nga atubangon sa Argentina ang hagit batok sa Austria sa MetLife Stadium karong Martes, Hunyo 23, sa alas-1:00 sa kaadlawon (oras sa Pilipinas).
