Nasakmit sa England ang ilang pwesto sa semi-finals sa FIFA World Cup human gipildi ang Norway, 2-1, sa usa ka kulbahinam nga quarterfinal match nga niabot pa sa extra time.
Nagtabla ang duha ka koponan, 1-1, sa regular nga oras.
Kung diin, unang nabentaha ang Norway sa ika-36 nga minuto pinaagi sa goal ni Andreas Schjelderup.
Apan wala madugay, mitubag si Jude Bellingham aron ipatabla ang duwa ug mabuhi ang kampanya sa England.
Sa nahibiling tulo ka minuto sa extra time, nahimong bayani si Morgan Rogers human makapasulod og long-range shot nga miselyo sa 2-1 nga kadaugan sa England ug naghatag kanila sa ilang ikatulong pagsulod sa World Cup semi-finals sukad pa niadtong 1966.
Sunod nga sangkaon sa England sa semi-finals ang Argentina, kinsa una na nga nagpaulan og tulo ka goal batok sa Switzerland.
