-- ADVERTISEMENT --
Andam na ang Swedish pole vault star nga si Armand “Mondo” Duplantis sa gikatakdang pagsalmot niini sa European Championships sa sunod bulan.
Gikumpirmar kini sa iyang ahente nga si Daniel Wessfeldt human ang 26-anyos miatras gikan sa Diamond League sa London sa miaging semana human nakaangkon og injury ang iyang wala nga paa samtang nakaabot og 5.95 metros.
Dugang ni Wessfeldt nga si Duplantis wala nay bisan unsang injury ug andam na alang sa torneyo.
Ang double Olympic ug triple world champion nakabungkag sa world record sa 15 ka beses, una nga adunay 6.17 metros sa 2020 ug ang katapusan nga adunay 6.31 metros sa Sweden sa Marso.
Ang European championships ipahigayon sa Birmingham City sa England gikan Agosto 10 hangtod 16.
-- ADVERTISEMENT --
