Armadong grupo, miatake sa pipila ka mga lugar sa Mali

Gibulabog sa halapad nga pag-atake gikan sa mga armanong suspek ang Bamako, Mali.

Diin giatake sa mga armadong grupo ang usa ka dakong base militar sa gawas sa kaulohan.

Hinuon, daling nagpadala ang mga awtoridad og mga sundalo sa kadalanan aron babagan ang mga armadong grupo.

Daghang mga lugar sa Mali, lakip ang Gao, Kidal ug Sevare, ang giatake usab sa mga armadong suspek.

Kini giingon nga mao ang pinakadako nga pag-atake sa mga grupo sa Jihadist nga natala sa Mali.

Ang Azawad Liberation Front (FLA) ug Jama’at Nusrat al-Islam wal-Muslimin (JNIM) giingon nga anaa sa luyo sa mga pag-atake.

Ang mga sundalo sa Mali nagpadayon sa ilang pakigbisog batok sa mga armadong grupo.