Malampusong nakabalik sa Yuta ang Artemis II human sa usa ka makasaysayanong splashdown sa kadagatan duol sa San Diego, California.
Ang upat ka mga astronaut, sila si Reid Wiseman, Victor Glover, Christina Koch, ug Jeremy Hansen, luwas nga nakabalik human sa siyam ka adlaw nga panaw libot sa bulan, nga nagtimaan sa usa ka bag-ong hugna sa programa sa Artemis sa NASA.
Gikan sa gikusgon nga 23,000mph (37,000km/h) sa pagbalik, ang kapsula gipahinay sa usa ka multi-stage parachute system ngadto sa 20–30km/h sa wala pa miunlod sa kadagatan.
Mitubag dayon ang U.S. Navy gikan sa USS John P. Murtha aron makigkita sa mga tripulante alang sa medikal nga ebalwasyon ug mga operasyon sa pagbawi.
Ang misyon nagmalampuson sa tumong niini nga pagsulay sa mga
Orion spacecraft ug pag-andam sa sunod nga lakang padulong sa pagbalik sa mga tawo ngadto sa bulan.
Sa kinatibuk-an, ang Artemis II mibiyahe og kapin sa 400,000 kilometros, ug naghatag og mga imahe nga gikuha gikan sa orbit sa bulan, lakip ang talan-awon sa “Earthset.”
Ang malampusong pagbalik ni ArtemisII nagsimbolo sa bag-ong paglaum alang sa usa ka bag-ong panahon sa eksplorasyon sa kawanangan—pamatuod nga ang katawhan andam na usab nga motunob sa bulan.
