CEBU – Gitakdang sugdan sa Department of Public Works and Highways (DPWH) ang asphalt overlay sa southbound lane sa Mananga Bridge sa Talisay City.
Hinungdan nga adunay traffic advisory nga gipagawas ang City of Talisay Traffic Operations and Development Authority(CT-TODA), nga gitakda kini gikan sa alas 9 sa gabii sa Biyernes, Mayo 20, hangtod alas 4 sa buntag sa sunod nga adlaw (Mayo 21).
Matod pa ni Jonathan Tumulak,ang pangu sa City of Talisay Traffic Operations and Development Authority (CT-TODA) nga samtang nagpadayon ang trabaho gamiton sa two-way traffic ang northbound lane sa taytayan
Dugang pa sa advisory nga gi-post sa CT-TODA, kung mahuman na ug aspalto ang paingon ug South, isunod ang trabaho ang karsada paingon sa Tabunok.
Gi-awhag niini ang adunay mga byahe pag-plano sa mga lakaw aron malikayan ang pagka-bara sa trapiko sa dapit, panahon sa pagtrabaho.
