Talagsaon ang gikahimutangan sa usa ka Automated Teller Machine kon ATM sa nasud sa Pakistan gumikan anaa kini sa kabukiran nga taliwala sa China ug Pakistan.
Nahimutang ang ATM nga anaa sa gitas-on nga 4,693 meters nga gikonsiderar nga highest -altitude teller machine sa kalibutan.
Nasayran nga niadtong tuig 2016 gitukod kini sa Khunjerab Pass sa Gilgit-Baltistan Province sa Northern Pakistan sa National Bank of Pakistan (NBP) nga usa ka solar ug wind-powered cash machine.
Ingon man nga milungtad pa og upat ka bulan ang pag-install niini tungod sa kahabog sa bukid nga nahimutangan.
Gumikan sa kalayo, matag higayon nga adunay ipahigayon nga maintenance moagi pa sa kalisod ang mga trabahante nga daw kalbaryo kini alang kanila ang pag-refill og kwarta sa machine sa regular basis tungod manukad pa sila sa giisp nga duol lamang nga bangko nga anaa sa gilay-on nga 82 kilometros.
Nasayran nga gibutangan kini og ATM tungod sa kalayo sa Bangko sa maong lugar ug alang usab kini sa mga kliyente nga sagad mga border guards arun didto na sila mokuha sa ilang binuwan nga sweldo.
Dakong tabang usab ang maong machine tungod anaa sa 4 to 5 million rupees kon P1M hangtod P1.5M ang gina-withdraw sa matag duha ka semana sa mga kliyente.
