Nagkanayon ang unang nominee sa Akbayan nga si Atty. Chel Diokno nga andam siyang mahimong kabahin sa prosecution panel sa impeachment trial ni Bise Presidente Sara Duterte.
Matud pa niini nga abli kini sa pagserbisyo, basi sa iyang kasinatian sa mga kaso nga may kalabotan sa impeachment, apil na ang pagka team leader sa impeachment trial ni kanhi Presidente Joseph Estrada niadtong 2000.
Sa usa ka interbyu, si Diokno niingon nga dili siya “demanding service,” apan andam siyang moserbisyo isip miyembro sa prosekusyon.
Gipahayag usab niya nga importante nga ipadayon ang impeachment ni VP Sara.
Samtang, ang Akbayan Party-list padayong nanguna sa partial ug dili opisyal nga resulta sa party-list race ug gilaumang makadaog og tulo ka puwesto sa House of Representatives sa pagtapos sa eleksyon.
