DAVAO CITY-Nangayo ug pasaylo si Atty. Israelito Torreon ang Legal Counsel sa Kingdom of Jesus Christ (KOJC) kabahin sa mga taho nga lakip na sumala pa nga gipanghimungtan sa mga myembro sa KOJC ang mga media nga padayon nga ga-cover sa maong kaguliyang nga nagakahitabo sulod sa KOJC Compound.
Gihangyo niini ang dugang nga pagsabot sa mga personahe sa media, gumikan anaa sa estado sa kasuko ang mga myembro sa KOJC.
Una nang gipangtawag sa mga myembro sa KOJC ang mga media nga naga-cover sa maong panghitabo nga sumala pa mga bayaran ug mga bias muhatod ug balita.
Hinungdan, nga nagpagawas usab ug pamahayag ang taga National Union of Journalist of the Philippines, nga matud pa dili angay nga mahilakip sa maharass ang mga media, gumikan kay igo lamang kini nagbuhat sa ilahang trabaho ug nagkuha ug mga importanteng detalye sa mga balita nga angay ra usab nga masayran ngadto sa publiko.
