Mibisita sa kagamhanang lalawigan sa Sugbo si Australian Ambassador to the PH Hae Kyung Yu aron sa pagpalig-on sa relasyon tali sa Sugbo ug nasod nga Australia.
Kun diin mainitong gihangop ni Cebu Provincial Governor Gwendolyn Garcia ang maong delegado aron sa panaghisgot sa mga umaabot nga kolaborasyon sa duha ka partido.
Gani gi-agni pa sa gobernadora si Ambassador Yu sa posibilidad sa mga Australian Businesses nga maka-invest sa Sugbo susama sa ehemplo sa pag-ivest sa Spanish-based company nga ACCIONA Energia Global sa pagtukod sa 150-Megawatt Solar Power Plant sa lungsod sa Daanbantayan sa amihanang Sugbo.
Lain gihisgutan nila ang posibilidad sa pagtukod og usa ka Waste-to-Energy project sa lalawigan nga makasulbad sa duha ka problema sa basura ug enerhiya.
Gani pasalig sa Ambassador nga umaabot kolaborasyon niini og nasuta kung ngano ang Sugbo ang gitanyag isip Primerang Probinsya sa Pilipinas.
Lakip sa mga mibisita sa Kapitolyo sa Sugbo kay sila Second Secretary James Lawler, Political Officer Angela Aquino, ug Assistant Defence Attache Maj Lachlan Newham.
Dili lamang sa Kapitolyo miduyog ang mga langyaw apan miduaw pud kini sa Office of the Presidential Assistant for the Visayas (OPAV) nga gipangulohan ni Undersecretary Terence Calatrava sa samang hisgutanan niini sa partnerships sa umaabot nga panahon.
