Mas paspas na ang sistema sa Cebu South Bus Terminal (CSBT) human nga hingpit na nga gilusad ang automated cashless system. Tungod niini, mamahimo na nga luwas ang mga pasahero batok sa COVID-19 infection ingon man mas reliable na ug on time ang reporting sa data gathering.
Sa maong sistema, aduna nay ekipo nga igo nalang nga mu-scan sa QR code ug sa suroy-suroy card. Nahimong malampuson ang maong inisyatiba human nga nagkasinabot ang Cebu Provincial Government nga gipangulohan ni Cebu Provincial Governor Gwendolyn Garcia ug ang nagdumala niini.
Gihangop usab kini sa mga nagdumala sa CSBT sanglit mas paspas na ang proseso sa mga pasahero ug dili usab hasol sa ilang habig. Matud ni Eugene Eric Lim, ang Topline Management sa CSBT nga convenient kini alang sa tanan.
Samtang nagkanayon usab si Carmen Quijano, ang General Manager sa CSBT nga aduna nay kalambuan ug maayo nga sistema diin dako usab kini og tabang alang usab sa ilang monitoring.
