Gikatakda karong Nobyembre 15 ang komprontasyon sa boxing ring ni kanhi heavyweight boxer Mike Tyson ug influencer-boxer Jake Paul.
Matod sa organizer nga ipahigayon kini sa Arlington, Texas.
Nasayran nga unang gikatakda ang duwa sa duha sa Hulyo apan, ang 57-anyos nga si Tyson nakasinati og Ulcer.
Gitambagan kini sa iyang mga doktor nga magpaayo una ug i-postpone ang nahisgutang away.
Ang nasangpit nga away kay giisip nga sanctions isip professional fight ubos sa pipila ka kondisyon sama sa walo ka rounds nga tag 2 minutos matag usa.
Sukad niadtong 2005, si Tyson wala na nakig-away nga propesyonal apan aduna siya’y mga exhibition matches sa 2020.
Niadtong 1987, nahimo siyang unang heavyweight nga boksidor nga naghupot sa WBA, WBC ug IBF heavyweight nga titulo.
Natuldukan ang iyang kadaugan niadtong 1990 sa dihang napildi kini ni Buster Douglas sa giisip nga usa sa labing dakong kapildihan sa kasaysayan sa boxing.
Samtang ang 27-anyos nga si Paul midaog og siyam sa iyang 10 ka away diin kadaghanan sa iyang nakaatubang mao ang mga kanhi UFC fighters kansang bugtong pildi kay British boxer Tommy Fury niadtong Pebrero 2023.
