Giangkon ni Bise Presidente Sara Duterte nga wala nay balikay ang ilang away batok sa kampo ni Presidente Ferdinand Marcos Jr.
Matod niya nga dili na mahitabo nga mobalik ang Team Unity tungod kay daghan na ang nahitabo, apil na ang pag-atake sa ilang kilid sa lain-laing paagi.
Kini isipon nga “point of no return” ug ila kining atubangon sa bisan unsang paagi.
Sa laing bahin, si VP Sara nitataw nga walay aktibong hulga sa iyang mga pamahayag nga patyon ang presidente kung mapatay siya.
Gitataw sa bise presidente, abogado siya ug nasayod siya sa husto ug sayop ug unsay legal ug ilegal.
Dugang pa sa bise presidente nga katingad-an ang gihimo sa mga awtoridad aron madugangan ang seguridad sa presidente tungod lang sa iyang mga pamahayag.
Pangutana pa niini, patyon ba siya sa mga Marcos?
Ang mga opisyal sa Malakanyang wala pa mohimo ug dugang mga pahayag kalabot niining butanga.
